महिला व ज्येष्ठ नागरिकांसाठी नोंदणी व वितरणाची सुविधा; शासकीय सवलतींचा लाभ मिळवून देण्यासाठी उपक्रम
डोंबिवली : डोंबिवली पूर्व परिसरातील नागरिकांना एसटी प्रवासासह शासनाच्या विविध सवलतींचा लाभ सहज मिळावा, यासाठी NCMC स्मार्ट कार्ड नोंदणी व वितरण शिबिराचे आयोजन करण्यात आले. नगरसेविका सौ. सविता विलास भोईर आणि ग्रामीण उपतालुकाप्रमुख विलास भोईर यांच्या मार्गदर्शनाखाली आयोजित या शिबिराला नागरिकांचा उत्स्फूर्त प्रतिसाद मिळाला.
महिला व ज्येष्ठ नागरिकांची नोंदणी
महिला तसेच ज्येष्ठ नागरिकांना एसटी प्रवासातील सवलतींचा लाभ मिळावा, या उद्देशाने शिबिरात NCMC स्मार्ट कार्डसाठी नोंदणी करण्यात आली. नोंदणी प्रक्रियेसाठी आधारकार्डासह आवश्यक कागदपत्रांची सुविधा उपलब्ध करून देण्यात आली होती.
नागरिकांचा उत्स्फूर्त सहभाग
शिबिराला परिसरातील नागरिकांनी मोठ्या संख्येने उपस्थित राहून NCMC स्मार्ट कार्डचा लाभ घेतला. शासनाच्या विविध योजनांचा आणि सवलतींचा लाभ नागरिकांना सहज मिळावा, तसेच त्यासाठीची प्रक्रिया सुलभ व्हावी, या उद्देशाने हा उपक्रम राबविण्यात आल्याचे आयोजकांनी सांगितले.
