रोटरी क्लब ऑफ डोंबिवली डायमंड्सचा ‘सेव्ह हर’ उपक्रम; गर्भाशयाच्या मुखाच्या कर्करोगाबाबत जनजागृती
डोंबिवली : रोटरी क्लब ऑफ डोंबिवली डायमंड्स (डिस्ट्रिक्ट ३१४२) यांच्या मातृत्व व बाल आरोग्य उपक्रमांतर्गत ‘सेव्ह हर प्रोजेक्ट’च्या माध्यमातून एचपीव्ही लसीकरण शिबिर घेण्यात आले. या शिबिरात ११३ किशोरवयीन मुलींना एचपीव्ही लस देण्यात आली.
सेंट थेरेस कॉन्व्हेंट हायस्कूलमध्ये शिबिर
कोळेगाव, डोंबिवली पूर्व येथील सेंट थेरेस कॉन्व्हेंट हायस्कूलमध्ये सकाळी ८ ते दुपारी १२ या वेळेत शिबिराचे आयोजन करण्यात आले. प्रोजेक्ट चेअर डॉ. वंदना ढाकटोड़े आणि को-चेअर रोटेरियन मंजू तेम्बे यांच्या नेतृत्वाखाली हा उपक्रम राबविण्यात आला.
विविध संस्थांचे सहकार्य
रोटरी क्लब ऑफ मुलुंड (डिस्ट्रिक्ट ३१४१) आणि आदित्य बिर्ला कॅपिटल फाउंडेशन यांच्या सहकार्याने शिबिराचे आयोजन करण्यात आले. ओम हॉस्पिटल, डोंबिवलीच्या वैद्यकीय पथकाने लसीकरणासाठी सेवा दिली.
आरोग्य जनजागृतीवर भर
शिबिराच्या माध्यमातून किशोरवयीन मुलींमध्ये एचपीव्ही संसर्ग आणि गर्भाशयाच्या मुखाच्या कर्करोगाबाबत जागरूकता निर्माण करण्यात आली. भविष्यातील मातांचे आरोग्य सुरक्षित करण्याच्या दृष्टीने हा उपक्रम महत्त्वपूर्ण ठरला.
“एचपीव्हीपासून बचाव करा, गर्भाशयाच्या कर्करोगापासून बचाव करा आणि भविष्याचे संरक्षण करा,” असा संदेश या उपक्रमातून देण्यात आला.
