महापालिका मुख्यालयात सद्भावना दिनानिमित्त कार्यक्रम; महापौर ॲड. हर्षाली चौधरी यांच्यासह अधिकारी-कर्मचाऱ्यांची उपस्थिती
कल्याण : शासन परिपत्रकाच्या अनुषंगाने सद्भावना दिनानिमित्त महापालिका मुख्यालयाच्या प्रांगणात सद्भावना दिनाची शपथ घेण्यात आली. यावेळी महापालिका प्रशासनातील अधिकारी व कर्मचारी उपस्थित होते.
राजीव गांधींना अभिवादन
भारताचे माजी पंतप्रधान स्व. राजीव गांधी यांच्या स्मृतिदिनानिमित्त महापालिका मुख्यालयात महापौर ॲड. हर्षाली चौधरी यांनी त्यांच्या प्रतिमेस पुष्पहार अर्पण करून अभिवादन केले.
अधिकारी-कर्मचाऱ्यांची उपस्थिती
यावेळी भारतीय राष्ट्रीय काँग्रेस पक्षाच्या गटनेत्या कांचन कुलकर्णी, महापालिका सचिव किशोर शेळके, सुरक्षा अधिकारी भारत बूळे, वरिष्ठ लिपिक प्रवीणा कांबळे, सहायक माहिती व जनसंपर्क अधिकारी सुमित बोयत तसेच महापालिकेतील इतर कर्मचारी उपस्थित होते.
