कल्याण : शिक्षक दिनाचे औचित्य साधून इनरव्हील क्लब कल्याणच्या वतीने कला क्षेत्रात उल्लेखनीय योगदान देणारे शिक्षक श्री. मनोज माळी यांचा ‘आदर्श शिक्षक पुरस्कार’ देऊन गौरव करण्यात आला. संवादिनी वादनातील त्यांच्या उल्लेखनीय कार्याची दखल घेत हा सन्मान करण्यात आला.
मान्यवरांच्या उपस्थितीत सत्कार
हा सत्कार समारंभ २ सप्टेंबर रोजी डॉ. म्हसकर हॉस्पिटल, मुरबाड रोड, कल्याण (प.) येथे आयोजित करण्यात आला होता. यावेळी इनरव्हील क्लब कल्याणच्या सेक्रेटरी साची कदम, अध्यक्ष मीनल ठाकोर, क्लबच्या फाउंडर मेंबर व क्लबला पन्नास वर्षे पूर्ण झाल्याच्या निमित्ताने विशेष उपस्थित असलेल्या तसेच माजी अध्यक्ष शीला सबनीस आणि डॉ. लीना काटकर उपस्थित होत्या.
कला क्षेत्रातील योगदानाची दखल
संवादिनी वादनाच्या माध्यमातून कला क्षेत्रात योगदान देणाऱ्या मनोज माळी यांच्या कार्याचा गौरव यावेळी करण्यात आला. मान्यवरांच्या हस्ते त्यांना पुरस्कार प्रदान करून सत्कार करण्यात आला.
इनरव्हील क्लब कल्याणच्या वतीने आयोजित या कार्यक्रमातून कला आणि शिक्षण क्षेत्रातील उल्लेखनीय कार्य करणाऱ्या व्यक्तींच्या योगदानाचा सन्मान करण्यात आला.
