कल्याण : नारळी पौर्णिमेनिमित्त कल्याणमध्ये भव्य मिरवणुकीचे आयोजन करण्यात आले. ढोल-ताशांचा गजर, पारंपरिक वेशभूषा आणि नागरिकांचा उत्स्फूर्त सहभाग यामुळे मिरवणुकीला मोठी रंगत आली. संपूर्ण परिसरात उत्साह आणि आनंदाचे वातावरण निर्माण झाले होते.
या मिरवणुकीत आमदार विश्वनाथ भोईर, महापौर अॅड. हर्षाली थविल चौधरी यांच्यासह विविध लोकप्रतिनिधींनी पारंपरिक वेशभूषेत सहभागी होत नारळी पौर्णिमेचा उत्सव साजरा केला. लोकप्रतिनिधींच्या या सहभागामुळे मिरवणुकीचे विशेष आकर्षण वाढले.
मोठ्या संख्येने नागरिकांनीही मिरवणुकीत सहभागी होत पारंपरिक पद्धतीने नारळी पौर्णिमेचा आनंद लुटला. ढोल-ताशांच्या तालावर आणि पारंपरिक वेशभूषेत सहभागी झालेल्या नागरिकांमुळे उत्सवाला खास मराठमोळा साज चढला.
नारळी पौर्णिमेच्या निमित्ताने कल्याणच्या सांस्कृतिक आणि पारंपरिक वातावरणाचे दर्शन घडविणारी ही मिरवणूक उत्साहात पार पडली.
