मुंबई : मुंबईतील नागदेवी परिसरात गेल्या ५१ वर्षांपासून पारंपरिक पद्धतीने गणेशोत्सव साजरा करण्यात येत असून, यंदाचा गणेशोत्सव ५१ व्या वर्षात पदार्पण करत आहे. नागदेवी येथील गणेशोत्सवाला अनेक वर्षांची परंपरा असून, दरवर्षी मोठ्या उत्साहात आणि भक्तिभावाने गणरायाची प्रतिष्ठापना करून विविध धार्मिक व सामाजिक उपक्रमांचे आयोजन करण्यात येते.
यंदाही गणेशोत्सवानिमित्त परिसरात भक्तिमय वातावरण निर्माण झाले असून, गणेशभक्तांसाठी विविध धार्मिक कार्यक्रमांचे आयोजन करण्यात आले आहे. उत्सवाच्या माध्यमातून धार्मिक परंपरा जपण्याबरोबरच सामाजिक बांधिलकीचा संदेश देण्याचा मंडळाचा प्रयत्न असतो. गणेशोत्सव काळात नागरिकांनी मोठ्या संख्येने सहभागी होऊन उत्सवाचा आनंद घ्यावा, असे आवाहन मंडळाच्या वतीने करण्यात आले आहे.
मंडळाच्या वतीने गणेशोत्सवाच्या काळात सामाजिक प्रबोधनावरही भर देण्यात येत आहे. विशेषतः तरुणांनी व्यसनांपासून दूर राहावे, सामाजिक सलोखा आणि एकोपा जपावा, तसेच गणेशोत्सवाच्या माध्यमातून समाजोपयोगी उपक्रमांना चालना द्यावी, असा संदेश देण्यात येत आहे.
मंडळाचे पदाधिकारी
मंडळाचे शाखाप्रमुख विनोद दिवेकर, अध्यक्ष नरेश सोलंकी, उपाध्यक्ष जयेश चौहान, खजिनदार धर्मेश सोलंकी आणि सेक्रेटरी भिकू वाघेला यांच्या मार्गदर्शनाखाली गणेशोत्सवाचे आयोजन करण्यात आले आहे.
मंडळाच्या कार्यकारिणीत जीत चौहान, मितांश वैद्य, मीत वाघेला, राज चौहान, गौरव चौहान, निहाल सिक्लिघर, योगेश चौहान, प्रशांत भावसार, जश चौहान, संकेत देवरा, स्वायम डाफळे, विकी वजा, कृष्णा राधानपुरा, रवी चौहान, धर्मित सोलंकी, जितू वाघेला आणि प्रकाश चौहान यांचा समावेश आहे.
गेल्या पाच दशकांपासून सुरू असलेली ही गणेशोत्सवाची परंपरा यंदा ५१ व्या वर्षात पोहोचल्याने मंडळाच्या पदाधिकारी, कार्यकर्ते आणि परिसरातील गणेशभक्तांमध्ये विशेष उत्साहाचे वातावरण आहे. पारंपरिक श्रद्धा, भक्ती आणि सामाजिक बांधिलकी जपत यंदाचा गणेशोत्सव उत्साहात साजरा करण्याचा संकल्प मंडळाच्या वतीने करण्यात आला आहे.
