फडके गुहेचे संवर्धन, परिसराचे सुशोभीकरण अन् छत्रपती शिवाजी महाराजांचे भव्य स्मारक उभारण्याचा मानस
नेतिवली टेकडी परिसरातील ऐतिहासिक वारसा जपत या परिसराचा सर्वांगीण विकास करण्यासाठी नगरसेवक, उप-जिल्हाप्रमुख तथा स्थायी समिती सभापती श्री. मल्लेश शिवाण्णा शेट्टी यांनी आज प्रत्यक्ष पाहणी केली.
कल्याण पूर्व : यावेळी ऐतिहासिक ‘स्वातंत्र्यवीर वासुदेव बळवंत फडके गुहे’ची पाहणी करून या ऐतिहासिक स्थळाचे जतन व संवर्धन करण्याचा निर्धार व्यक्त करण्यात आला.
गुहेसह संपूर्ण परिसराचा विकास
सुशोभीकरण, स्वच्छता, मूलभूत सुविधा तसेच पर्यटकांसाठी आवश्यक सोयी-सुविधा उपलब्ध करून देण्याचा ठाम संकल्प श्री. शेट्टी यांनी व्यक्त केला. नेतिवली टेकडीला ऐतिहासिक आणि पर्यटनाच्या दृष्टीने विकसित करून त्याचा लौकिक वाढविण्यासाठी आवश्यक ती कार्यवाही करण्यात येणार आहे.
नेतिवलीत भव्य शिवस्मारक उभारण्याचा मानस
स्थानिक नागरिकांच्या इच्छेचा मान राखत छत्रपती शिवाजी महाराजांचा जाज्वल्य इतिहास, शौर्य आणि प्रेरणादायी विचार पुढील पिढ्यांपर्यंत पोहोचविण्यासाठी येथे छत्रपती शिवाजी महाराजांचे भव्य व प्रेरणादायी स्मारक उभारण्याचा मानस श्री. शेट्टी यांनी व्यक्त केला.
नेतिवली टेकडी परिसराला इतिहास, संस्कृती, पर्यटन आणि प्रेरणेचे केंद्र बनविण्याचा प्रयत्न करण्यात येणार आहे.
नागरिकांशी थेट संवाद
पाहणीदरम्यान स्थानिक नागरिकांशी प्रत्यक्ष संवाद साधून त्यांच्या समस्या, अडचणी आणि अपेक्षा जाणून घेण्यात आल्या. नागरिकांनी मांडलेल्या प्रश्नांची गांभीर्याने दखल घेत तातडीने कार्यवाही करून शक्य तितका कायमस्वरूपी तोडगा काढण्याचे आश्वासन देण्यात आले.
अधिकाऱ्यांना जागेवरच निर्देश
या पाहणी दौऱ्यावेळी महापालिकेचे सिटी इंजिनिअर, KDMCचे वरिष्ठ अधिकारी तसेच इतर सहकारी उपस्थित होते. परिसरातील विकासकामांना गती देण्यासाठी आणि नागरिकांच्या प्रश्नांचे तातडीने निवारण करण्यासाठी संबंधित अधिकाऱ्यांना जागेवरच आवश्यक सूचना व निर्देश देण्यात आले.
“नेतिवलीचा ऐतिहासिक वारसा जपतानाच या परिसराचा सर्वांगीण विकास करून हा भाग नागरिकांसाठी आणि पर्यटकांसाठी एक आदर्श ऐतिहासिक व पर्यटनस्थळ बनविण्यासाठी सर्वतोपरी प्रयत्न केले जातील.”
— श्री. मल्लेश शिवाण्णा शेट्टी
नगरसेवक | उप-जिल्हाप्रमुख | स्थायी समिती सभापती
